::SA3KOOK::


 
الرئيسيةالاعلاناتاليوميةمكتبة الصورس .و .جبحـثالتسجيلالتسجيلالأعضاءالمجموعاتدخول

شاطر | 
 

 الصيف والبنات ***جديد***

اذهب الى الأسفل 
كاتب الموضوعرسالة
حبيبة الرحمن

 المديــــــر  المديــــــر 
avatar

انثى
عدد الرسائل : 259
العمر : 33
السٌّمعَة : 0
تاريخ التسجيل : 11/04/2008

مُساهمةموضوع: الصيف والبنات ***جديد***   الخميس مايو 01, 2008 3:28 pm

:flower:


طبعاً كلكم متفقين معايا إن ملابس الصيف لها طبيعة خاصة جدّاً بتميزها سواء من حيث خامة القماش أو لونه أو من حيث تصميم الموديل نفسه وزي ما أنت عارفة برضه إن كل بنت ليها جسم يختلف عن التانية...

يعني مثلاً فيه بنت رفيعة، وفي بنت ممتلئة، وفي بنت قصيرة، وفي بنت طويلة، وكل واحدة من دول لها قماش معين يناسبها، ولها لون معين يناسبها، ولها كمان تصميم معين يناسبها.. موافقاني في الكلام ده ولا لأ؟؟..

بما إننا متفقين من حيث المبدأ يبقى تعالوا نعرف مع بعض واحدة واحدة إيه اللبس اللي ممكن نلبسه في الصيف، ويكون مناسب لنا، وفي نفس الوقت يكون شيك...
نشوف مع بعض
بالنسبة للبلوزات


تعتبر البلوزة من القطع الأساسية اللي مفيش بنت تقدر تستغنى عنها في الصيف، وده لأنها عملية جدّاً في اللبس، ومناسبة جدّاً لكل الأعمار ولكل الأوقات يعني من الآخر كده تقدر تلبسها البنت اللي في ثانوي والبنت اللي في الجامعة واللي بتشتغل، وكمان تقدري تلبسيها في أي وقت الصبح وبعد الظهر...

بس وأنت بتشتري البلوزة لازم تاخدي بالك وتختاري موديل يناسب طبيعة جسمك؛ يعني مثلاً:
لو كنت ممتلئة الأرداف:
يبقى يا ريت تبعدي نهائيا عن البلوزات القصيرة والطويلة قوي، اللي على شكل (تونيك)، واختاري البلوزة اللي يكون نهاية طولها عند منتصف الأرداف..

وده لأن البلوزة القصيرة بتبرز جدّاً امتلاء المنطقة دي، والبلوزة الطويلة قوي هتظهر المنطقة دي وكأنها عريضة أكتر من اللازم.
لو كنتِ ممتلئة الذراع:
يبقى يا ريت تختاري البلوزة اللي يكون كُمّها واسع وطويل والكتف ساقط عشان يخفي العيب ده، وعلى فكرة كمان الكم "الشارلستون" مناسب جدّاً وبيداري امتلاء الذراع.
لو كنتِ صاحبة صدر كبير:
ودي مشكلة بتشتكي منها بنات كتير قوي، وحلها إنك تراعي إن لون البلوزة يكون غامق، وتفتحي لون البنطلون من تحت..

وتبعدي نهائيا عن البلوزات اللي فيها قصات من تحت الصدر أو فيها تطريز على الصدر أو تحت الصدر علشان ما تلفتش النظر إلى امتلاء المنطقة دي.

ويا ريت كمان تبعدي في اختيارك عن البلوزات المصنوعة من القماشات الخفيفة...
لو كنتِ قصيرة:
بصي يا ستي لو كنتِ قصيرة يبقى يا ريت تختاري البلوزات اللي مقلّمة بالطول، وتبعدي عن البلوزات المقلمة بالعرض..

وابعدي عن البلوزات الطويلة "التونيك" واختاري البلوزات متوسطة الطول..
لو كنتِ ذات قوام مليان:
يبقى ابعدي عن الأقمشة المضلعة خاصة في منطقة الوسط والأرداف؛ لأنها تلفت النظر للمناطق الممتلئة في الجسم.
كمان ابعدي عن البلوزات أو القمصان المنقوشة بنقوشات كبيرة أو مشغولة بكثرة من التطريز؛ لأنها ستظهرك أكبر مما أنت عليه في الواقع خاصة النصف العلوي من جسمك.
لو كنتِ رفيعة:
هتلاقي إن كل أشكال البلوزات مناسبة لكِ جدّاً.

بالنسبة للألوان اللي نازلة الصيف ده


صيف 2008 بتميز بوجود بلوزات بألوان كتير قوووي زي "الروز" و"اللبني" و"الأصفر" و"الأخضر" و"البستاج" و"التركواز" و"البرتقالي" بالإضافة إلى الألوان الثابتة زي "الأحمر" و"الأبيض" و"البيج" بدرجاته المختلفة.. ده بالإضافة إلى وجود بلوزات فيها ألوان متداخلة مع بعضها..

وعلى فكرة مبقاش فيه حاجة اسمها إن اللون ده مش موضة لأن كل الألوان بقت موضة وبكده بقى عندك فرصة كبيرة جدّاً للاختيار..
ودي تشكيلة بلوزات ممكن تبصي وتطلي عليها

_ _ _ _ _ _ _ _ _ _ _ _ _ _ _ _ _ _
الفستان

دي كمان قطعة ممكن تلبسيها في الصيف والفستان فيه منه أشكال كتير قوووي، ففيه مثلا الفستان القصير اللي ظهر بشكل كبير في السنتين اللي فاتوا، ولسه موجود برضه موضة الصيف 2008.

ومع الفستان ده هتحتاجي تلبسي بادي وبنطلون سواء جينز أو قماش..

وعلى فكرة الشكل ده مناسب أكتر للبنات الصغيرين من سن 16 سنة إلى سن 23 سنة..

وبرضه لازم تاخدي بالك إن الشكل ده علشان يكون شيك في اللبس محتاج إن اللي تلبسه تكون بنت جسمها مش مليان خاصة من منطقة الصدر والإيد والأرداف..
كمان في الفساتين الطويلة ودي موجودة من زمان، ولسه برضه موضة، وفيه منها القماش والجينز ودي هتحتاج إنك تلبسي معاها بادي بس لازم تاخدي بالك من إنك لو كان ذراعك مليان يبقى يا ريت إنك تلبسي مع الفستان ده بلوزة سادة وبلاش بادي.

اضغطي على الصورة لمشاهدة المجموعة
_ _ _ _ _ _ _ _ _ _ _ _ _ _ _ _ _ _


بونشو

ده ظهر السنة اللي فاتت، وانتشر بشكل كبير جدّاً، ولسه موجود موضة في صيف 2008، ومعاه هتحتاجي تلبسي من تحته بادي؛ لأنه غالبا بيكون مصنوع من القماش الشيفون، وكمه بيكون واسع، وعلى فكرة الشكل ده مناسب لكل الأجسام..

اضغطي على الصورة لمشاهدة المجموعة
_ _ _ _ _ _ _ _ _ _ _ _ _ _ _ _ _ _


الجوب

دي قطعة مهمة جدّاً ومفيش بنت تقدر تستغنى عنها سواء في الصيف أو الشتاء...
وصيف 2008 بيتميز بوجود جوبات بخامات متنوعة، فهتلاقي الجوب المصنوعة من "الجبردين" و"البوبلين" و"الكتان" بأنواعه، وكمان نازل جوبات من قماش "الشانتونج" و"الحرير" و"الدانتيل"، بالإضافة إلى الجوبات "الجينز".

كمان هتلاقي تنوع في التصميمات بين الصك والإيفازية والكلوش علشان كده عايزاكي تبقي شاطرة وتختاري الجوب المناسبة لطبيعية جسمك..

يعني مثلاً
لو كنتِ رفيعة:
يبقى يا ريت تختاري الجوبات اللي فيها نقوش وشغل كتير زي التطريز مثلاً أو اللي قماشها مشجّر، وابعدي نهائيا عن الجوبات السادة والجوبات الصك..

لو كنتِ ذات قوام مليان:
يبقى اختاري الجوبات السادة، وابعدي عن الجوبات اللي فيها شغل كتير أو اللي قماشها منقوش؛ لأنها هتبينك أكثر بدانة مما أنت عليه.

كمان خدي بالك إنك في حالة ارتداء الجوبات الجينز اختاريها خالية من الجيوب الكثيرة.

_ _ _ _ _ _ _ _ _ _ _ _ _ _ _ _ _ _


البنطلونات

أهم حاجة بتميز صيف 2008 هي اختفاء البنطلونات الجينز اللي فيها تطريز من على الرجل والبنطون الباجي.. وعودة موضة السبعينيات في البنطلونات القماش "اللي بتتميز بإن رجل البنطلون بتبقى واسعة جدّاً".

كمان بيتميز الصيف ده بوجود بنطلونات بخامات متنوعة بين القماش والجينز والكتان..

وبالنسبة للألوان فصيف 2008 بيتميز بوجود بنطلونات بألوان جريئة جدّاً زي "الأحمر" و"الأبيض "و"البرتقالي" و"الموف، "ولو عايزة تبقي بنت متميزة في الصيف ده يبقى احرصي أن يكون في دولابك بنطلون أبيض؛ لأنه بيدي شياكة خاصة لو اتلبس معاه بلوزة ألوانها فاتحة..

_ _ _ _ _ _ _ _ _ _ _ _ _ _ _ _ _ _
بس كده خلاص خلص كلامنا النهارده..


بس ما تنسوش تبعتوا آراءكم وتعليقاتكم
الجامدة قوووي

سلالالالالالالالالام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sa3kook

 المديــــــر  المديــــــر 
avatar

ذكر
عدد الرسائل : 328
الدوله : مصر
السٌّمعَة : 0
تاريخ التسجيل : 10/02/2008

مُساهمةموضوع: رد: الصيف والبنات ***جديد***   الأحد مايو 04, 2008 12:40 pm

شكراااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sa3kook.ahlamountada.com
david

(((عضوو جديد )))
(((عضوو جديد )))


ذكر
عدد الرسائل : 7
العمر : 33
السٌّمعَة : 0
تاريخ التسجيل : 09/05/2008

مُساهمةموضوع: رد: الصيف والبنات ***جديد***   الجمعة مايو 09, 2008 1:19 am

مشكوره
بس مش كلو دي
ملا بس الصيف للبنات
ههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البنوته العسل

(((عضوو نشيط )))
(((عضوو نشيط )))
avatar

ذكر
عدد الرسائل : 59
العمر : 27
السٌّمعَة : 0
تاريخ التسجيل : 29/05/2008

مُساهمةموضوع: رد: الصيف والبنات ***جديد***   الخميس مايو 29, 2008 8:04 pm

شكرا لكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حبيبة الرحمن

 المديــــــر  المديــــــر 
avatar

انثى
عدد الرسائل : 259
العمر : 33
السٌّمعَة : 0
تاريخ التسجيل : 11/04/2008

مُساهمةموضوع: رد: الصيف والبنات ***جديد***   السبت يونيو 07, 2008 5:30 am

مشكووووووووورين على الردود

وماله خلى البنات تلبس وتتشيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الصيف والبنات ***جديد***
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
::SA3KOOK:: :: شؤون حواء وامورها :: الازياء والاناقه-
انتقل الى: