عشقتك مثل مايعشـق شعـوري .. ضحكـة الأطفـال
......... عشقتك مثل مايعشـق طموحـي ... لمـس غاياتـي
.
عشقتك مثل ماتعشـق جروحـي .. صرخـة المـوال
......... عشقتك مثـل ماتعشـق عيونـي .. حبـس دمعاتـي
.
عشقتك مثل مايعشـق غـرورك .. رغبـة الإهمـال
......... عشقتـك مثـل مايعشـق خفوقـي .. سجنـك بذاتـي
***
مشغول في غيري وانا فيك مشغول- وياي واحساسي يقول انت مو لي
[ صارحتني ]واقفيت عني وأنا اقول - ليته كذب يا ليت ماصارح بشي
حاولت أعيدها على العرض والطول - بس اعترافك شي ومبادئي شي
وشلون احبك وأنت متقسم فصول - يعني معاي شوي ومع غيري شوي
لوكنت تجبرني على شي معقول - ما قلت لك اسف وانا الحل بيدي
حتى الكلام اللي يجي منك معسول - صرت اسمعه وأقول يمكن ماهو في
مقتول في قربك واذا غبت مقتول - تتجدد اجرحي والاحزان هي هي
كلمة وعنها لاتراجعت مسؤول - خذها وتكفى لاتضايق وانا حـــــــي
ارحل وسافر عن حياتي على طول - وأن قلت لك ارجع بعد غيبتك عـــــــي
***
أخطيت يوم إني طلبتك حنانك..
لا صرت فاقد شيء وشلون تعطيه..
مهما نطق لي بالمشاعر لسانك..
شيء بدون إحساس ما أقتنع فيه..
إحساسك المصنوع خنته وخانك..
جاملتني به وانت تجهل معانيه..
مني نصيحه تنفعك في زمانك..
إلاّ شعورك لا تبيعه وتشريه..
كانك تقدر قيمة الحب كانك..
اللي يودك لا تحاول تعنيه..
***